CONVOCATION DE LA NOBLESSE
4 3 9
Jehan Gambe, sieur de Jussac, Bertrand de Garris et
Aymery de Treslay se sont présentés, et ont offert bailler
ung Archier, parce qu’ils sont de la garde de Blaie.
Le sieur du Grant Linas, s’est présenté, et pour ce qu’il
est homme d’Eglise, a offert bailler ung Archier, bon et
souffisant, habillé et monté.
Les sieurs de Carcanieux et de Carnet, chargés d’ung Ar
chier, se sont deffailliz, et leurs fiefs ont esté saisiz, et tous
exploits en ont été deffendus.
Bertholomé Diuzaide, sieur Daguilhe, s’est présenté en ung
Archier.
Jehan Duraux et Gaucem de Mathas se sont présentés, et
comme sexagénaires ont offert bailler un Archier souffisant,
bien monté et habillé.
Les héritiers de feu Gauvain Berthet se sont présentés en
ung Archier, parce qu’ils ont dit estre de la garde de ladite
ville de Blaie.
Pierre Esteve, dit de Bordeaux, sieur de Langon, et Guillem
de Moichat ont présenté ung Archier, parce que ledit Esteve
a dit estre sexagénaire, et ledit Guillem de Moichat a dit
estre de l’Ordonnance dudit Seigneur soubz nostre charge.
Thomas de Blaignan, sieur de Lanessan, et Jehan de
Belcoiran, chargés d’ung Archier, se sont présentés et ont
offert bailler ledit Archier bon et bien armé et monté, parce
que ledit de Lanessan est sexagénaire, et ledit de Belcoiran
a dit être tenu de maladie.
Les Seigneurs de Gassac et de Lamothe de Margaulx,
chargés avecque le sieur de Liuran de deux Archiers, se sont
présentés et ont offert bailler lesdits deux Archiers, parce que
ledit sieur de Gassac a dit estre homme d’armes soubz la
charge du Maire de Bourdeaux, pour la garde de ladite Ville,
et le sieur de Lamothe de Margaulx est mineur, deffault a
esté donné audit sieur de Liuran et son fief prins et saisi et
lui en a esté deffendu tous exploitz.
