CONVOCATION DE LA NOBLESSE
435
la déclaration de leurs Fiefs pardevant nous auLundi douzième
jour dudit mois de Septembre en ladite Ville et cité de Bour-
deaux, pour aller à la guerre servir le Roi nostre Seigneur,
où par lui ou autre son commis et député leur serait enjoinct
et commandé, sur peine d’estre déclarés rebelles et désobéis-
sans audit Seigneur, et dès-lors de confiscation de leursdits
Fiefs et Seigneuries, après lequel cry fait affin que nul n’en
peust prétendre cause d’ignorance, icelui mesme jour en-
voyasmes lesdits Sergens ordinaires en ladite Seneschaucée
notifier et faire assavoir ledit ban et arriere-ban ès lieux,
villes et places de Libourne, Sainct Milion, Bourg, Blaye,
Sainct Macaire, Castilhon, Lesparre et autres lieux et Juris
dictions de ladite Seneschaucée. Avenant lequel douziesme
jour dudit mois de Septembre, assistant le Seigneur et Baron
de Duras et de Blanquefort commis de par le Roi nostredit
Seigneur amesner et conduire ledit ban et arriere-ban, et
appellés avecque nous Maistres Jehan de Dozignac, Licentié
en Loix, nostre Lieutenant-Général en ladite Seneschaucée,
et François Pastoureau, Procureur en icelle Seneschaucée
pour ledit Seigneur, et lecture faite par le Greffier de la
Cour de ladite Seneschaucée, tant desdites Lettres-Patentes
contenant nostre commission que missives, que autres Let
tres-Patentes et missives dudit Seigneur, adroissantes audit
Seigneur et Baron de Duras et de Blanquefort, pour prendre
et conduire ledit ban, et aussi certaines Mémoires et instruc
tions envoyées par ledit Seigneur audit Seigneur de Duras,
feismes audiencer et appeller par Pierre Basset, Sergent Royal
ordinaire en ladite Seneschaucée, tous lesdits Nobles et autres
tenant noblement en fief et arriere-fief, et qui avoient
accoustumé servir le Roi notredit Seigneur audit ban et
arriere-ban, par ordre, selon le rôle de leurs noms, surnoms,
Seigneuries et Ordonnances à eulx faictes de leurs harnois
et habillemens de guerre, en la forme et maniéré que s’en
suit.
