VARIÉTÉS BORDELOISES
Macanan son frere, qu’il estoit allé en Court devers le Roy
nostredit Seigneur de par ladite Ville de Bourdeaux.
Guillotin Macanan, chargé d’un Archier avec ledit Etienne
Macanan son frere, s’est présenté et a offert bailler ledit
Archier, bien monté et armé.
Le sieur de Liurac s’est deffailly, et son fief a été prins et
saisi en la main dudit Seigneur, et tous exploictz en ont esté
defîendus.
Artus Olivier, pour lequel a esté faicte réponse par Arnault
Gassies que ledit Olivier estoit au service du Roi nostredit
Seigneur à la guerre en Bretaigne.
Le sieur Dugua et Thomas Pellet se sont présentés, et
parce qu’ils disent estre à l’Ordonnance du Roy nostredit
Seigneur soubz la charge du Seigneur de Montferrant, ont
offert bailler ung bon Archier, bien monté et armé.
Guillem Joubert, sieur de Barrault, et Jehan de Pis, sexa
génaires, se sont présentés, et ont offert bailler ung bon
Archier, bien monté et armé.
Et tous les autres Nobles et tenans noblement en fief et
arriere-fief, et qui ont accoustumé suyvre le ban et arriere-ban,
se sont deffaillis, et leursd. fiefs, terres et seigneuries ont été
prinses et saisies en la main dud. Seigneur. Et a esté ordonné
que pour iceulx régir et gouverner sous lad. main, seront
députés Commissaires suffisans pour en rendre compte et
reliqua, et à tous aultres en ont été deffendus tous exploicts,
saufque si lesd. Deffaillans viennent et se rendent en personnes
en armes et habillemens de guerre, selon leurs charges et
déclarations de leursd. fiefs, demain à huit heures au matin,
pardevant nous, seront receus. Après lesquelx deffaulx, sai
sines, inhibicions et deffences, par ledit Seigneur de Duras a
esté dit et déclaré n’entendre recevoir pour conduire et mesner
lesdits Nobles qui sont ez Ordonnances soubz nostre charge
et dud. Seigneur de Montferrant et aultres, que en leurs per
sonnes , en ensuyvant la teneur de ses lettres de commission ;
4 4 2
