CONVOCATION DE LA NOBLESSE
437
Le Seigneur d’Anglades aussi s’est présenté et a offert aller
prest armé d’une lance fournie.
Le Seigneur et Vicomte d’Uza, duquel a esté donné deffault,
et son Fief a esté saisi, sauf s’il venoit et se présentoit prest
en homme d’armes le lendemain, huit heures au matin,
pardevant nous, en ladite Ville de Bourdeaux, ledit deffault
seroit rabattu.
Jehannot de Laur, Seigneur de Belhade, s’est aussi deffailly
et son fief ou fiefs ont esté saisiz, sauf s’il se rendoit et se
trouvoit prest de deux lances fournyes, ledit lendemain, à
huit heures au matin, pardevant nous, ledit deffault seroit
rabattu.
Messire Loys de Castetja, Chevalier, Seigneur Dupuy, et
Georges de Castetja, se sont deffailliz, et leurs fiefs ont esté
saisiz, sauf s’ils se rendoient en leurs personnes prestz, assavoir
ledit Messire Loys de Castetja, Chevalier, en hommes d’armes,
et ledit Georges de Castetja de deux Archiers, ledit deffault
seroit rabattu.
Le sieur de Tastes s’est présenté en Archier.
Le sieur de Mauvoisin et Jehan de Grely, aussi se sont
présentés par ledit de Grely en ung Archier.
Le sieur de Morian pareillement s’est présenté en ung
Archier.
Et le sieur de Bessan, mineur, a présenté ung Archier.
Arnault de Gassies, chargé de ung homme d’armes s’est
présenté, disant qu’il étoit homme d’armes pour la garde de
ladite Ville de Bourdeaux, sous la charge du Maire d’icelle
Ville, aussi qu’il estoit trop et excessivement chargé d’un
homme d’armes, toutes fois offroit faire selon la charge et
déclaration de son fief.
Le Seigneur de Francs s’est présenté en deux Archiers
pour Pothon de Francs son fils aisné, parce que ledit sieur
de Francs est sexagénaire.
Le Seigneur Dupuchs s’est présenté en ung Archier.
