1876_I - page 475

CONVOCATION DE LA NOBLESSE
4 4 3
ce que led. Procureur du Roy aussi a requis : !i quoy par nous
a esté respond, que si lesd. Nobles qui sont esd. Ordonnances
alloient en leurs personnes aud. ban et arriere-ban, le Roy cui-
dant avoir ses Ordonnances pour soy en servir desceu de son
intention, aussi quand lesd. Nobles qui sont ezd. Ordonnances
envoyeroient hommes bien montez et armez par eulx aud.
ban et arrier-ban, serviroient le Roy nostred. Seigneur en
deux maniérés et deux lieux; parquoy avons esté d’avis et
opinion que les gens desd. Ordonnances soubz nostre charge
et des aultres demeureroient à leursd. Ordonnances, jusques
à ce que le Roy en ait sur ce fait déclaration; et pour en
savoir à la vérité l’intention et vouloir dud. Seigneur, avons
prins charge de lui en escripre, dont led. Seigneur de Duras
en a requis acte pour sa décharge. Et le lendemain treizième
jour dud. mois de Septembre, environ neuf heures au matin,
nous Jehan de Dozignac, Lieutenant-General en lad. Senes-
chaucée de Guienne, pour le Roy nostred. Sgr. nous sommes
transportez au lieu accoustumé, faire la monstre et revue
desd. Nobles et aultres subgectz aud. ban et arriere-ban,
auquel lieu ne se sont comparuz fors seulement les dessus
déclarés comparans; et en oultre, à la requeste dud. Procu­
reur du Roi nostred. Seigneur, avons donné deffault à tous
aultres Nobles tenans noblement, et qui ont accoustumé suyvir
led. ban et arriéré ban, et prins et saisi leursd. fiefs, terres et
seigneuries en la main dud. Sgr. et prohibé et deffendu tous
exploictz en iceulx fiefs, terres et seigneuries, sur peine de
confiscation d’iceulx, et de cent marcs d’argent aud. Sgr.
à applicquer; et du consentement dud. Sgr de Duras, avons
assigné auxd. Nobles comparans d’eulx rendre pretz, montez
et armez, selon leurs charges dessus déclarées, Lundi pro­
chain dix-neuviesme de ce present mois de Septembre, au
lieu de Guistres, en lad. Seneschaucée de Guienne, par de­
vant led. Sgr. de Duras, pour aller où par lui seront con-
duictz, et mesme à la guerre au service du Roi nostred. Sgr.
1...,465,466,467,468,469,470,471,472,473,474 476,477,478,479,480,481,482,483,484
Powered by FlippingBook