VARIÉTÉS BORDÉLOISES
436
"Premièrement, a été appellé le Seigneur et Baron de Les-
parre, pour lequel fut fait réponse par Gaston de Lalande,
Ecuyer, Capitaine dudit lieu de Lesparre, qu’il estoit en
Court au service du Roi, nostredit Seigneur.
Messire Gaston de Montferrant, Chevalier, Seigneur et
Baron dudit lieu, pour lequel fut aussi répond par Maistre
Bertrand Trossil, soi-disant son Procureur, qu’il avoit chargé
de par le Roi notredit Seigneur, de gens d’armes d’ordon
nance aussi estoit allé pour ledit Seigneur en Armignac, faire
la monstre aveue du ban et arriere-ban dudit pays d’Armignac,
ou les mesner et conduire à la guerre, au service dudit
Seigneur.
Le Vicomte de Fronsac, pour lequel a esté fait réponse
par ledit Maistre Bertrand Trossil, soy-disant son Procureur,
que ladite Seigneurie de Fronsac appartenoit à M. le Mares-
chal de Gye, qui estoit tousjours à la guerre, au service dudit
Seigneur.
Le Soudic de Latrau s’est présenté offrant aller prest de
deux Archiers avec ledit Seigneur de Duras.
Le Seigneur de Puynormand, pour lequel a été répond
par ledit Maistre Bertrand Trossil, que ledit Seigneur Mares-
chal de Gye estoit Seigneur pour la moitié de ladite Sei
gneurie, et pour l’autre moitié, aucun ne s’est comparu, en
deffault de ce a esté la moitié dudit Fief et Seigneurie saisie
et prinse en la main dudit Seigneur, et tous exploictz en ont
esté deffendus.
La Dame de Lalande s’est présentée et a offert bailler son
fils prest et en habillement de homme d’armes et de quatre
Archiers.
Le Seigneur de Lansac, pour lequel a esté fait réponse
qu’il estoit tout notoire qu’il estoit à la guerre au service
dudit Seigneur.
Le Seigneur de Lisle s’est présenté et a offert aller prest
d’un homme d’armes avecque ledit Seigneur de Duras.
