VARIÉTÉS BORDELOISES
4 H
dudit Pays, d’estre bons et loyaulx envers nous; et au temps
que feu le Sire de Talebot vint audit Pays de Bourdelois à
grant puissance de gens et de Navires Angloys, telement
qu'il conquist nostredite Ville de Bourdeaulx et presque tout
le Pays de Bourdelois, et lui obéirent presque tous les
Nobles dudit Pays, et mesmement lesdits de Lalande pere
et filz, et furent contraints le servir à l’encontre de nostredit
feu Seigneur et Pere, pour ce que ledit Sire de Talebot avoit
conquises et occupoit leursdites Terres et Seigneuries; et
depuis fut ledit Sire de Talebot et ceulx de sa compaignie
desconfits à la journée de Castilhon en Perigort, au moyen de
laquelle desconfiture et de la diligence qui fut sur ce faicte
par nostredit feu Seigneur et Pere, les autres Anglois qui
estoient demourez en nostredite Ville de Bourdeaulx et ail
leurs audit Pays de Bourdeloys furent contrains eulx en re
tourner au Royaume d’Angleterre, avec lesquelz lesdits pere
et filz de Lalande s’en alerent pour la doubte qu'ilz avoient
d'estre rigoureusement traictez, s'ilz feussent demourez en
l'obbéissance de nostredit feu Seigneur et Pere, et ont
depuis tousjours demouré en l’obbéissance desdits Angloys,
et encores y sont; et Nous ait esté remonstré par lesdits
Supplians que ledit Jehan de Lalande filz y est à grant des
plaisance, et aurait grant désir de soy en retourner demourer
en nostredite obéissance, et est délibéré d’estre désormais
loyal envers Nous, si nostre plaisir estoit lui pardonner et
abolir les faultes par lui commises envers Nous, et lui resti
tuer les Terres et Seigneuries que lui et sondit pere tenoient
en nostredit Pays de Bourdelois et autres, sondit pere et
lui joissoient paisiblement au temps et par avant ladite pre
miere redducion de Bourdeaulx, lesquelz ont, comme on dit,
esté déclairez confisquez et donnez par nostredit feu Seigneur
et Pere, requerans humblement lesdits Supplians nostre
grace et miséricorde estre sur ce impartie et estargie audit
de Lalande le jeune :
P
o u r
c e
e s t
-
il
que Nous ces choses
